Глядзелi ў неба халоднымi вачамi,
знiшчалi межы празрыстымi рукамi,
залепленыя жахам, бiлiсь галавой,
нясмела азiралiсь, кiдалiся ў бой.
Дакладныя iдэi. Ветраныя словы.
Заросшыя алеi. Сорама аковы.
На волю адпускалi злоўленых сiнiц,
трымалi лейцы пужлiвых калеснiц.
Апошнiя i першыя падалi, ўставалi,
паветрам дыхалi, жывымi заставалiсь.
Знаходзiлi, гублялi новую вiну,
зачыненыя дзверы, рваную струну.

Упэўненыя фразы. Шчырыя надзеi.
Належныя iмкненнi. Значныя падзеi.
Слiзкiя дарогi. Туманная свабода.
Сцiснутыя зубы. Стомленая згода.
Паваленыя дрэвы хутка ападаюць.
Расплюшчваючы вочы, людзi назiраюць
сухiя клопаты, нямую мiтусню,
нязручныя намеры, вадкую хлусню.
Раптоўна пакiдаюць штучнае сумленне,
скiдаюць зношанае вузкае адзенне,
на веру i каханне не шкадуюць сiл,
акiдваюць вачамi светлы небасхiл.

[an error occurred while processing this directive]